எனக்கு மறுபடியும் பைத்தியம் பிடிச்சுடுச்சு. அட.... ஆமாங்க... இந்த விர்சுவல் வில்லேஜர்ஸ் ன்னு ஒரு கேம் இருக்கே தெரியுமா? அந்த கேம்க்கு நான் கிட்டத்தட்ட அடிமை... இதுவரை ஐந்து வெர்ஷன் வெளியாகியுள்ளது. சமீபத்தில் தான் அந்த ஐந்தாவது வெர்ஷன் வெளிவந்துள்ளதை தெரிந்துகொண்டு, டவுன்லோட் செய்து, மாங்கு மாங்கென்று விளையாடிக்கொண்டு இருக்கிறேன். அப்படி என்ன இருக்கு இந்த கேம்லன்னு கேக்கறீங்களா?
விர்சுவல் வில்லேஜர்ஸ் - என்ற இந்த விளையாட்டு உலகம் முழுதும் பல்லாயிரக்கணக்கான மக்களால் விளையாடப்படுகிறது. இந்த விளையாட்டு மிக வித்யாசமானது. பேஸ்புக்கின் 'Farm ville' வை போல நாம் கம்ப்யுட்டரை அணைத்து விட்டாலும் வேலை நடந்துகொண்டே இருக்கும். ஆனால் farm ville க்கும் இதற்கும் பல வித்தியாசங்கள். Farm ville வில் நாம் விவசாயம், அறுவடை சம்பந்தமான செயல்களை மட்டுமே திரும்பத்திரும்ப செய்துகொண்டிருக்க வேண்டும். ஆனால் விர்சுவல் வில்லேஜர்ஸ் டோட்டலி டிபரென்ட்.
மற்ற விளையாட்டுகளை போல சுடுதல், கொல்லுதல் போன்ற விஷயங்கள் இல்லாததால், அநேகமாக ஆண்களுக்கு பிடிக்காது. (சில பெண்களுக்கும்:-)) ஆனால் தங்களுடைய மேலாண்மை திறனை வளர்த்துக்கொள்ள விரும்புபவர்கள் நிச்சயம் இந்த விளையாட்டை விரும்புவார்கள்.
முதன்முதலில் இந்த விளையாட்டை விளையாடும்போது, நான் விளையாண்ட விளையாட்டுகளிலேயே இது வித்யாசமாக இருக்கே என்று ஆசை ஆசையாக விளையாடினேன். அடுத்த நாள் பெரிய இவளாட்டம் அம்மாவிடம், 'என் ஆளுங்களுக்கு எல்லாம் சாப்பாடு போடணும், நான் சீக்கிரமா போகணும்'ன்னு சீன் காட்டிட்டு வந்து பார்த்தா... என் மக்கள் அத்தனை பேரும் ஒரே நாளில் இறந்து விட்டார்கள். காரணம், நான் தூங்க போகும்போது கேமை pause வைக்கவில்லை.அதன்பின் சோகத்துடன், மீண்டும் ரீஸ்டார்ட் செய்து வேறு ஆட்களை போட்டு விளையாட ஆரம்பித்தேன். அப்படியும். என்னால் புதிர்களை தீர்க்க முடியவில்லை. அதன் பின் நெட்டில் தேடியபோது அதன் cheat code, puzzle solving methods எல்லாம் கிடைத்தது. அதனை கொண்டு அந்த விளையாட்டை வெற்றிகரமாக முடித்தேன். அதுக்கப்பறம் ஒவ்வொரு வெர்ஷனா டவுன்லோட் செய்து ஒவ்வொரு விளையாட்டையும் முடிப்பதே பொழப்பா கிடந்தேன்.
இந்த விளையாட்டை நான் விளையாடுவதை பார்க்கும் அத்தனை பேரும் காறி துப்பிட்டாங்க... இந்த வயசுல (அதாங்க... கழுதை வயசுல) சின்ன பிள்ளையாட்டம் இந்த கேமை விளையாடறேன்னு. நாம அதெல்லாம் கண்டுகிட்டதே இல்ல... என் பார்ட்னர் என்னை திட்டி திட்டி வேலை வாங்குவார். ஒரு வழியா நிம்மதியா இருந்த அவரை மீண்டும் டென்ஷன் ஆக்க ஆரம்பித்துள்ளேன். அவர்கிட்ட நான் சொல்ல விரும்பும் ஒரே பஞ்ச் டயலாக் ......
......
......
......
......
......
......
......
......
......
......
......
......
......
அவங்கள நிறுத்த சொல்லுங்க.... நான் நிறுத்தறேன்...
7 comments:
//இந்த விளையாட்டை நான் விளையாடுவதை பார்க்கும் அத்தனை பேரும் காறி துப்பிட்டாங்க... இந்த வயசுல (அதாங்க... கழுதை வயசுல) சின்ன பிள்ளையாட்டம் இந்த கேமை விளையாடறேன்னு. நாம அதெல்லாம் கண்டுகிட்டதே இல்ல.///
:))
நல்லா வெளாடுங்க
//அவங்கள நிறுத்த சொல்லுங்க.... நான் நிறுத்தறேன்... //
ATHU SARI...
:))))))))))))
@ மாணவன், அருண் பிரசாத் , சே.குமார், சுபத்ரா
:)))) too
ஒரு வழியா நிம்மதியா இருந்த அவரை மீண்டும் டென்ஷன் ஆக்க ஆரம்பித்துள்ளேன்//
நல்ல விளையாட்டுதான்.
இருங்க, நானும் டவுன்லோட் பண்ணி வெளையாடிட்டு சொல்றேன்.
அவங்கள நிறுத்த சொல்லுங்க.... நான் நிறுத்தறேன்... (சிரிக்க வைத்தது)
Post a Comment